Monday, October 17, 2005

مع الغروب

ياه ه ه بورسعيد مدينة من اجمل مدن العالم وابسط مدن العالم واشجع شعوب الدنيا واطي شعوب الارض واخف دم فى الكون بورسعيد ترى فيها كل شى من الجمال والغناء الفاحش وكما ترى فيها ايضا العشوائيات والمتاحف وخصوصا المتحف الحربى والدبابتين والمد فعين اللى برة ولا دليسبس والممشى والكورنيش وشارع الجمهورية وطرح البحر ... الا ان كل دا كوم ومنظر البحر على شاطى بورفؤاد كوم تانى وحاجة تانية.. من الاخر..تصور ان انت قاعد على كرسى مع اصحابك والميه قدامك هادية جدا والموجة البسيطة بتلعب قدامك وعلى رجليك على الشط وانت قالع الجزمة طبعا وبتريحها من تعب يوم شاق جدا والشمس نص برتقالة وتشوفها قدامك والنص التانى بيبقى فى البحر ..او هو مش بيبقى فى البحر او ى يعنى ولكن احنا بيتهيئلنا ان هى كدة.. والسفن رايحة جاية وصفارة السفن شغالة وفجاة المدفع بيضرب والازان يدن وتفتكر ان انت لسة ما فطرتش وتلبس جزمتك وجرى على البيت ....ياه ه ه ه هقولكوا اية على بورسعيد فى المغربية قبل الفطار مسير كوا تجربوا

0 Comments:

Post a Comment

<< Home