Thursday, October 20, 2005

بنتولد

بنتولد
بنتولد و عنيكى تحت القمر
و خايف اوعدك ماوفيش يا ليلى
يلى انت حبك حريه
اتكلمى
دنا قلبى مدارس شعبيه
و شبابيك للطول و الون والحريه
و فرحه و فرصه من اول لمسه
ووسط الدايره
دايره الوحله
لو بطلنا نحلم نموت
صدقنى يا صاحبى
قبل ما تحلم فوق
دا بحر الحياه غدار
هات ريشتك هات الوانك
و ارسم على الارض مكانك
و ابكى
لو فى عينى دموع
وعللى صوتك
DELESEPS

Wednesday, October 19, 2005

طيور الشمس

احساس بجد الى اصدقاء العمر والمسرح شهداء نكبه قصر ثقافه بنى سويف
شهداء بورسعيد
محمد ياسين محسن كامل يا سمين نبيل
طيور الشمس
الطيور هجرت
والبيوت اتهد مت
رجعت طيور الشمس
والشمس كانت غيمت
طب ليه الطيور استسلموا
ليه سلموا
يمكن عشان القلب حس
وعشقوا بكره والنهارده وامس
مهو اصلهم ما توا فى نور الشمس
واتاريها نار
وسابحه فى الطيار
طاروا لحد الشمس
ما طلعلهمش نهار
ماتت طيور الشمس
ماتت كتير اسرار
والضحكه كانت امس
ومن النهارده مرار
فى الحلق جوه الجوف
فى القلب خالق خوف
ولا فاتوا غير ذكرى
من بعدهم بكره
وبكره مش معروف
والجى مش مالوف
يمكن اعيش بكره
لكن بموت م الخوف
والذكرى جوه القلوب فى روحنا وحشانا
مع انهم راحوا ولسه ويانا
وادفنوا جوه التراب ادفنوا جوانا
هو احنا مش من تراب والرب سوانا
فمسيرنا هنروحلهم
ولكل اجل كتاب
دلوقتى بشتاقلهم
وحشنى احلى اصحاب
بكره هتيجى الشمس
تظهر وبنروحلها
تسكت ونندهلها
على اد خوفى منها
مع انى بشتاق لها
وبكره هتجلكوا
تقعد وتحكلكوا
ومهما طال الزمن عمرى ما هنساكوا
دا احنا لحد الان يا اصحابنا فكرنكوا
بطيور الشمس
هجرتونا
deleseps

طيور الشمس

Tuesday, October 18, 2005

سالت الليل عليكى

سالت الليل عليكى

سالت الليل عليكى ما عرفش يجاوبنى
وحلفت انى ليكى والليل يكدبنى
يا سمرااحترت فيكى مش عارف ارد بايه
ولو ردت كلام الليل يعذبنى
انا المحتار فى شانك نفسى اقولهالك
بحبك مهماهتقولى وعلشانك
يا بنت الناس
اجيب الكون بحاله تحت اقدامك
عشقت بنات كتير بس مش زيك
انتى الحلاوه والجمال والاصل
هد الزمان يا ما وانتى ما هدك
يالى حفظتى على السلام والوصل
انتى يا سمره يالى الزمان قدك
يا مسرحيه وانتى اجمل فصل
فكرت فى اللى رايح وبفكر فى اللى جاى
واحب اشوف عينك واسمع لصوت الناى
واسمع منير جنبك لانه جاى منك
يا سمره قدامك ما عرفش اقوال ازاى
دا لو نسوكى الناس فالكل ينساكى
دا انا الوحيد فكرك والكل ينسى الاى
انا بكتب عشان يا حبيبتى اعبرلك
عن اللى جوايا لازم اصرحلك
دا بوم ما تدقى بابى انا روحى هتسبنى
وتروح يا روح قلبى مع قلبى تفتحلك
وتروحيا روح قلبى
مع قلبى تفتحلك
سالت الليل عليكى
سالت الليل


DELESEPS

كوتشينه

كوتشينه

كوتشينه فيها مييت ولد
وبناتها لسه بتتولد
بس الجواكر فيها ما بتلعبش
يعنى اللى يلعب بيها ما بيكسبش
ولو هتكسب فيها ما تفكرش
لو يوم هتبقالك
ده ما فيش ولا واحد
عايش ومش دايب
فيها وفى عينيها
ده ما فيش ولا واحد
ما حلمش يوم بيها
دا انا كل ما اكبر
احس قلبى بيتولد لكن غايب
دنا حتى قلبى اللى افتكرت انه اتولد
طلع شايب
دنيا ورق احللام ورق
والحلم مرسوم على الورق
دنا حتى قلبى انا
ما بقتش اصدق كلمته
لما اتخطف منا الكلام
الحلم جونا اسرق
اه يا بلد فيها الورق
يتبل نشرب ميته
وعوضى

DELESEPS

احلام بنات

احلام بنات

احلام بنات
والبنت لسه صغيره
لسه الضفيره والفيونكه فى شعرها
واللعب قدام الحارات
وولاد بنات
لسه العيال ماتعلموش المنظره
ولا السكات وقت السكات
احلام بنات
والبنت كبرت
ادورت
بين يوم وليله ظهر القوام
والجسم لف مفيش كلام
والبنت شافت نفسها واتغيرت
ظهرت حاجات ما كنتش تحلم يوم تشوفها
عشقت قوامهااللى فار من كلمتين
عدت ليالى بطولها من بين السنين
والبنت حست للضفيره بالحنين
ويحن قلبى لليالى المخطوفين
عدت سنينها محسوبين بالمسطره
والجسم لف ازاى هتبقى صغيره
صعب الرجوع
مش بس صعب ده استحاله ترجعى
اصل الزمان وده مهما كان
عمره ما بيرجع ورا
مفيهاش رجوع
دا معدش ينفع ترجعى
يعنى اسمعى
ما تفكريش

deleseps

Monday, October 17, 2005

رسالة حب

رسالة حب

رسالة حب من عاشق متعرفيهوش
رسالة حب من قلبى اللى منسيتهوش
كلام حسيته وكتبته محسيتهوش
اصل اللى بينى وبينك انتى مش كلام

ممكن اكتر من الغرام
ايوه حبيتك تمام
مش اى حاجة والسلام
وهو الحب من امتى محتاج علام
كتير عشقوكى بس قلبى فيكى دايب
عاشقك ومش محتاج مالوش نايب
لكنه مش غايب
ونفسى افضل انا وانت حبايب
انا اللى عاش ليكى وجاى طالب
القرب منك
القرب ليكى يا اللى ناسى هما اهلك
ومترديش بسرعة
عايزك على مهلك
وافقتى وافقتى
موافقتيش انا راضى
اعيش جنبك ومتشوفنيش
ودى رسالتى
رسالة حب من عاشق متعرفهوش

DELESEPSEE

مع الغروب

ياه ه ه بورسعيد مدينة من اجمل مدن العالم وابسط مدن العالم واشجع شعوب الدنيا واطي شعوب الارض واخف دم فى الكون بورسعيد ترى فيها كل شى من الجمال والغناء الفاحش وكما ترى فيها ايضا العشوائيات والمتاحف وخصوصا المتحف الحربى والدبابتين والمد فعين اللى برة ولا دليسبس والممشى والكورنيش وشارع الجمهورية وطرح البحر ... الا ان كل دا كوم ومنظر البحر على شاطى بورفؤاد كوم تانى وحاجة تانية.. من الاخر..تصور ان انت قاعد على كرسى مع اصحابك والميه قدامك هادية جدا والموجة البسيطة بتلعب قدامك وعلى رجليك على الشط وانت قالع الجزمة طبعا وبتريحها من تعب يوم شاق جدا والشمس نص برتقالة وتشوفها قدامك والنص التانى بيبقى فى البحر ..او هو مش بيبقى فى البحر او ى يعنى ولكن احنا بيتهيئلنا ان هى كدة.. والسفن رايحة جاية وصفارة السفن شغالة وفجاة المدفع بيضرب والازان يدن وتفتكر ان انت لسة ما فطرتش وتلبس جزمتك وجرى على البيت ....ياه ه ه ه هقولكوا اية على بورسعيد فى المغربية قبل الفطار مسير كوا تجربوا

Saturday, October 15, 2005

برد و امل

برد وامل

لو يوم قتلنا البرد الشمس تحيينا
لو يوم تغيب الشمس راجعه تدفينا
ومهما ليلنا يطول الفجر جى اكيد
راجع بحلم جديد مولود على ايدينا

ومهما تاه الأمل لساه هنا موجود
ومهما تاه مننا اليأس لأ مرفوض
يمكن بعيد عنا لكن قصاد عينا
ويغيب ومهما يغيب لازم اكيد هيعود

ومهما طال البرد لسه الدفا عايش
جوانا يضحكلنا وبضحكته حايش
هموم كتير فينا ونموت ويحيينا
يمكن اكون انسان عايش ومش عايش

لو يوم قتلنا البرد الشمس تحيينا
لو يوم تغيب الشمس راجعة تدفينا
ومهما ليلنا يطول الفجر جى اكيد
راجع بحلم جديد يمكن يكون لينا
يمكن يكون لينا
DELESEPS

Friday, October 14, 2005

جوايا فكرة

جوايا فكرة
معايا حلم يمكن اكون موهوب جايز اكون موهوم
بس الفكرة طالما معايا
والأمل جوايا
اكيد هكون
ولو فى لحظة
جنون
يكفينى انى
اكون مجنون مع حلمى
ومعاكوا
ووياكوا تبتدى حواديتى

ديليسيبس